Një lajm i pazakontë vjen nga bashkia e “Horës së Arbëreshëve” në Paiana degli Albanesi në Siçili.
Pushteti vendor, që normalisht drejtohet nga shqiptarë-arbëreshë, ka marrë një vendim dhe e kanë vënë në zbatim.
Të gjithë ata djem e vajza që mbarojnë me rezultete të shkëlqyera, pra janë ekselentë në fushat e tyre, janë vlerësuar nga pushteti vendor duke iu bërë ftesë të punojnë për bashkinë; por ata që nuk munden dot, është vetë bashkia që ndërhyn për t’i punësuar në vende të denja për ekselencën e tyre.
Në një shënim të kësaj nisme, të publikuar në Facebook theksohet: “Dorëzimi i çertefikatave të falënderimit ndaj ‘ekselentëve arbëreshë’, qytetarë që me impenjim dhe dedikim kanë arritur dhe vazhdojnë të çojnë lart emrin e zonës sonë dhe kanë nderuar komunitetin tonë. Do të takohemi më 16 janar ku do të jepen falënderime nga realitete të tjera vendore. Faleminderit nga zemra të gjithë atyre si për impenjimin e madh ashtu edhe për shpirtin konstruktiv që i ka shoqëruar. Ata janë një shembull për të gjithë! Urime të sinqerta dhe një vit i mbarë të gjithë qytetarëve”.
Një fakt që në Shqipëri nuk ndodh, edhe pse Edi Rama sapo mori pushtetin ftoi të vijnë në Shqipëri të gjithë ata shqiptarë që kanë rezultate të mira në vendet e tyre.
Por administrate u mbush gjithë njerëz që kishin lidhje me dikë apo që kishin punuar me atë, pra kryetarin.
Ashtu edhe në Kosovë, por edhe në Maqedoni, daç edhe në Mal të Zi ku shqiptarët kanë pushtet, meritokracia është kthyer në një anekdodë që përkthehet me pehlivanë dhe njerëz që u lëpihen shefave apo kanë emërtimin “I devotshëm”, por asnjëherë për punë. /tesheshi.com/
