Ka ofruar një tjetër çudi treguesi i infektimeve në 24 orë në Shqipëri.
Kruja e Kurbini, vatrat e reja me avancë shqetësuese infektimesh, kanë rezultuar të pastra. Ndërkohë, ka një rënie të theksuar kur janë regjistruar vetëm 10 infektime të reja, 9 në Tiranë e 1 në Shkodër.
Ishte Zv/Ministrja e Shëndetësisë Mira Rakacolli, ajo që ofroi detajët e fundit nga situata epidemike në vend:
“Në kuadër të informimit të përditshëm për situatën e infeksionit Sars-Cov2 dhe sëmundjes COVID-19, ju bëjmë me dije se:
Gjatë 24 orëve të fundit janë testuar 212 persona të dyshuar me COVID-19.
Nga rezultatet e testimeve janë konfirmuar 10 raste pozitive me COVID19, nga të cilat 9 raste janë në Tiranë, shumica kontakte familjare, dhe 1 rast i ri është në Shkodër.
Deri në këto momente janë testuar 7491 raste të dyshuara dhe prej tyre janë të konfirmuar pozitivë me COVID-19, 736 raste.
Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 422 ose 57.3 % e totalit të të prekurve
Aktualisht në vendin tonë, 286 ose 42.7 % e totalit të të prekurve janë persona aktivë me COVID19 dhe siç shihet përqindja e të shëruarve është më e lartë. Kjo tendencë tashmë vazhdon të jetë e qëndrueshme”, informoi znj.Rakacolli. /tesheshi.com/
