Një sherr për gërvishtje makinash në një rrugë të ngarkuar të Tiranës, në afërsi të TEG-ut, ka zbuluar se një nga përsonat e përfshirë në të, i cili u dërgua në spital prej dëmtimeve trupore gjatë përplasjeve fizike, posedonte armë pa leje dhe lëndë narkotike.
Ai është shtetasin Fation Dauti, i njohur si militant demokrat, i cili do ishte protagonist në një përplasje politike brenda PD-së për të drejtën e selisë pak vite më parë, ku si berishist shqyente me shqelma një derë të ish-SHQUP-it.
Policia shpalli arrestimin e tij dhe ndërkohë është vënë dhe në kërkim të të tjerëve persona që u përfshin në sherr dhe që dyshohen si të implikuar në armëmbajtje pa leje dhe posedom narkotikësh.
Shkak i nisjes së konfliktit u bë gërvishja e dy mjeteve mes dy vajzave në timon, të cilat thirrën të njohurit e tyre për të sqaruar situatën. Dhe këta të fundit vendosën që sqarimin mes tyre ta bënin dhunshëm, nën egon mashkullore të të fortit.
Njoftimi i policisë:
Në vijim të njoftimit paraprak të dhënë ditën e djeshme, specialistët për Hetimin e Krimeve të Komisariatit të Policisë Nr. 1 arrestuan shtetasin F. D., 29 vjeç, banues në Krumë, për veprat penale “Mbajtje pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”, të parashikuara nga nenet 278 dhe 283 të Kodit Penal.
Gjithashtu po punojnë për kapjen e shtetasve A. N., 29 vjeç, banues në Tiranë, M. B., 25 vjeç, banues në Tiranë, dhe I. L., 24 vjeç, banues në Domje.
Ditën e djeshme, në afërsi të rrethrrotullimit të Teg-ut, shtetasi F. D., me shtetasin A. N., janë konfliktuar me sende të forta me shtetasit M. B., dhe I. L.
Gjatë këqyrjes së vendit të ngjarjes është gjetur një armë zjarri pistoletë, e cila nga këqyrja e pamjeve filmike i përket shtetasve F. D. dhe A. N.
Gjithashtu gjatë kontrollit fizik shtetastit F. D., shërbimet e Policisë, i gjetën sasi lënde të dyshuar narkotike kanabis, e cila u sekuestrua në cilësinë e provës materiale së bashku me armën e zjarrit.
