Shkencëtarët turq në bashkëpunim me kompaninë nanoteknologjike Nanografi po punojnë për zhvillimin e vaksinës së parë turke intranazale kundër koronavirusit, raporton Anadolu Agency (AA).
Ministri i Industrisë dhe Teknologjisë i Turqisë, Mustafa Varank, mori pjesë në hapjen ceremoniale të uzinës së re të ndërmarrjes Nanografi, në të cilën do të prodhohet grafeni. Ai theksoi se me investimet e reja, Turqia ka hyrë në radhët e dhjetë vendeve në botë që mund të prodhojnë grafen në një shkallë kaq të madhe.
Duke iu drejtuar audiencës, ai tha se ekspertët turq po punojnë me kompaninë në zhvillimin e një vaksine intranazale, dmth një spraj hunde, i cili mund të jetë më efektiv në luftën kundër koronavirusit sesa vaksinat e dhëna me injeksion.
Duke theksuar se prodhimi i brendshëm i vaksinave anti-COVID do të rrisë përpjekjet e Turqisë për të luftuar pandeminë koronare, Varank tha se vaksina intranazale mund të modelohej në rast të varianteve të reja të mutuara të koronavirusit.
Ai gjithashtu tha se të gjitha fazat paraklinike të zhvillimit dhe testimit të vaksinave janë përfunduar me sukses dhe se testimi i njerëzve do të fillojë së shpejti.
“Pasi të jenë përfunduar me sukses të gjitha fazat klinike, qëllimi ynë është që të fillojmë të përdorim me këtë vaksinë këtë vit,” tha Varank. /tesheshi.com/
