Kreu demokrat Basha përmendi së fundi frazën “Partia Demokratike dhe unë jemi të përgatitur për çdo situatë”, si një paralajmërim se nuk do lejojë që pas 11 dhjetorit, pra Kuvendit të Berishës, t’i merret partia, siç paralajmëroi së fundi deputeti kah Berishës Oerd Bylykbashi.
“Uroj që të prevalojë sado pak gjakftohtësia, uroj të kuptoj që është kthyer në një tubë oksigjeni për këtë regjim, uroj ta kuptojë që është kthyer në një barrë të pamerituar për demokratët dhe Partinë Demokratike teksa ne kemi mobilizuar të gjitha energjitë tona në përballjen me regjimin me një agjendë të qartë politike.
Por në çdo rast siç ju thashë Partia Demokratike dhe unë jemi të përgatitur për çdo situatë”, tha kreu i PD. /tesheshi.com/
