Një influencues amerikan dhe vëllai i tij janë dënuar me tre muaj burg në Dubai për sulm ndaj oficerëve të policisë në gjendje të dehur, thanë sot autoritetet e Emiratit të Gjirit.
Joseph Lopez, një ish-oficer i forcave ajrore dhe konkurrent në konkursin e bukurisë Mister USA, u arrestua së bashku me vëllain e tij Joshua për “sulm ndaj anëtarëve të policisë së Dubait, rezistencë ndaj arrestimit dhe dëmtim të pronës publike”, u tha në një deklaratë për shtyp.
Dy turistët, të cilët ishin “në gjendje të dehur” sipas autoriteteve, u dënuan me tre muaj burg, pas së cilës do të dëbohen, si dhe do të paguajnë një gjobë prej 1.428 dollarë (rreth 1.285 euro) për shqetësim të rendit publik duke cenuar oficerët e policisë dhe duke i shkaktuar dëme një makine patrullimi ndërsa tentuan të arratiseshin, shtoi i njëjti burim.
Por një OJQ që pretendon abuzime gjyqësore në Emiratet e Bashkuara Arabe, u doli në mbrojtje të arrestuarve, edhe pse konfirmoi se ishin të dehur, pasi kishin gjatë një feste në një jaht, ndërsa ishin me pushime.
“Ata menduan se ishin në shënjestër të mashtruesve që donin t’i grabisnin,” tha Rada Stirling, drejtore e OJQ-së. “Atyre iu dha një pije teksa ishin në jaht dhe gjëja tjetër që kujtojnë është se i morrën policë me rroba civile”.
Lopezes tha se “nuk e kuptuan se ishin oficerë policie me rroba civile”, , duke theksuar se ata mendonin se ishin viktima të rrëmbimit.
Autoritetet e Dubait nuk kanë komentuar detajet e arrestimit.
Në moshën 24-vjeçare, Joseph Lopez fitoi konkursin e bukurisë Mister Louisiana dhe ishte vendosur të konkurronte në konkursin kombëtar të bukurisë Mister USA në nëntor. Ai ka më shumë se 100,000 ndjekës në Instagram.
