Ditët e fundit, Izraeli ka kryer sulme të ashpra ajrore në Damask dhe provincat siriane jugore Daraa, Quneitra dhe Sweida. Përveç sulmeve ajrore, ushtria izraelite po kryen inkursione tokësore në Sirinë jugore, me fokus në provincat e Quneitra dhe Daraa. Këto sulme ajrore dhe inkursione përfshinin shkatërrimin e kazermave të braktisura dhe vjedhjen e pajisjeve të rënda, me garanci se qëllimi ishte t’i jepte fund pranisë së armatosur në Sirinë jugore.
Sulmet agresive sioniste në Siri tregojnë për një plan të vjetër izraelit të shpallur pas luftës së vitit 1967, i cili synon krijimin e një shteti druz(tip bektashinjsh atyre anëve) në zonën midis Damaskut dhe kufirit palestinez në të ashtuquajturin drejtim Damask-Sweida. Lidhur me këtë zonë, ministri aktual izraelit i Mbrojtjes Katz tha: “Ne do të forcojmë marrëdhëniet me popullsinë mike të zonës, për hir të marrëdhënieve të mira fqinjësore, me theks në popullsinë e madhe druze”.
IDF njoftoi se do të qëndrojë në majën e malit Hermon dhe në zonën tampon për një periudhë të pacaktuar në mënyrë që, siç deklaruan, të garantojë sigurinë e vendbanimeve në lartësitë e Golanit, në veri dhe të të gjithë banorëve të shtetit të Izraelit.
Gazeta izraelite Maariv botoi një raport ku thuhej se Izraeli mbështet “dhe mund të inkurajojë një lëvizje drejt autonomisë së druzëve, e cila do të krijonte një barrierë midis Sirisë dhe kufirit izraelit”. Në rrjetet sociale druze në Siri, flitet për synimin që IDF të sigurojë një ombrellë sigurie dhe të jetë një forcë ushtarake në zonë, ndërsa druzët do të menaxhojnë aktivitetet e përditshme civile.
Maariv gjithashtu vuri në dukje se kjo ka ndezur bisedimet për “hapjen e kufirit për të lejuar kalimin e punëtorëve druzë nga Siria në Golan”. Mesa duket marrëveshja tregon se nga ky hap përfitojnë të gjitha palët. Së pari, Izraeli beson se kjo sjell siguri. Së dyti, sirianët konsiderohen si nga punëtorët më të mirë të ndërtimit në Lindjen e Mesme, dhe ata gjithashtu kanë njohuri dhe aftësi të mira si fermerë dhe bujqësi. Paga bazë në Siri është 300 dollarë në muaj. Hapja e kufirit do të lejojë punësimin e druzëve sirianë me kosto më të ulëta se sa u paguhet aktualisht punëtorëve nga Tajlanda, Kina dhe India në Izrael.
Komentatori ushtarak për gazetën izraelite Yedioth Ahronoth, Ron Ben-Yishai, u përpoq të shpjegonte se çfarë po ndodhte në Sirinë jugore, duke theksuar se 7 tetori e udhëhoqi Izraelin të zhvillonte një plan që përfshin tre sisteme mbrojtëse në kufijtë e Gazës, Libanit dhe Sirisë: fortifikime dhe pengesa brenda Izraelit, një sistem mbrojtjeje të avancuar dhe një sistem të avancuar të mbrojtjes ndaj zonave të armikut. Ky është kuptimi i vërtetë i kërkesës së Netanyahu-t për të çmilitarizuar zonën në jug të Damaskut. Ai konsideroi se sistemi i ri i mbrojtjes izraelite në Siri kryesisht përbëhet nga kalatë vëzhgimi, të vendosura në territor të kontrolluar dhe patrullime, por ndryshe nga Libani jugor, ushtria izraelite ka marrëdhënie me popullsinë (në Sirinë jugore), ndërsa prania në majën e malit Hermon në Siri gjithashtu ka vlerë të rëndësishme inteligjente dhe operacionale.
Sirianët në jug po ngrenë zërin kundër planeve izraelite. Protestat kundër agresionit izraelit po bëhen gjithnjë e më të shumta. Nga ana tjetër, qeveria e përkohshme e Sirisë po përpiqet të arrijë një marrëveshje me të gjithë popujt dhe rajonet për të arritur unitetin kombëtar. Siria po përballet me ditë shumë sfiduese, sepse Izraeli nuk do të heqë dorë lehtë nga planet e tij agresive. /tesheshi.com/
