“Crown Agents” kompania e proklamuar me bujë nga kryeministri Rama në fillim të mandatit të tij si ajo që do mblidhte të ardhurat nga doganat me “ndershmëri perëndimore”, tashmë ka vetëm një meritë: që ja ka thënë copë shefit të qeverisë shqiptare se doganat janë aq të korruptuara, sa nuk mundet dot të plotësojnë asnjë plan të ardhurash. Sipas një raporti të publikuar me media që kjo kompani i ka përcjellë Ramës, aty thuhen gjërat troç se përse nuk realizohet plani i shumëdëshiruar:
-Qëndresa që kanë dëshmuar disa punonjës të doganës për të kryer kontrollet në mënyrën e duhur dhe në veçanti mungesa e vullnetit për të vendosur penalitetet e duhura për rastet e shkeljeve të regjimeve doganore
-Niveli dhe kompleksiteti i korrupsionit të organizuar e sistematik në dogana, i krijuar në mënyrë të qëllimtë për të mbështetur mashtrimin me të ardhurat
-Mungesë bashkëpunimi nga ana e një numri Degësh Doganore, Kryetarësh të Degëve Doganore si dhe juristësh e të tjerëve nëpërmjet dëshmimit të mungesës së njohurive, paaftësisë e, në disa raste, edhe pengim të qëllimshëm
-Mungesë e të dhënave të kompjuterizuara, përfshirë mungesën e një sistemi për regjistrimin e rasteve të zbuluara, veprimeve kriminale dhe informacionit të përpunuar kriminal
Kështu, i gjithë misioni “Crown Agents” përfundoi vetëm me kurajon e kësaj kompanie për të denoncuar të keqen në dogana, pa mundur dot që të përmisojë diçka konkrete. /tesheshi.com/
