Cristiano Ronaldo mund të përfundojë sërish në gjykatë. Edhe pse padia e Kathryn Mayorga për përdhunim u hodh poshtë, çështja e vitit 2009 tani po rihapet.
Kujtojmë se Mayorga akuzoi portugezin se e kishte përdhunuar në vitin 2009 në një dhomë hoteli në Las Vegas. Çështja u zgjidh shpejt sepse një vit më vonë ata arritën një marrëveshje jashtëgjyqësore në të cilën vajzës i paguan 375,000 dollarë.
Megjithatë, çështja erdhi sërish në gjykatë në vitin 2018, dhe kërkesa e re për dëmshpërblim është 25 milionë dollarë.
Padia që kërkon pagesa të mëtejshme u hodh poshtë në qershor të vitit të kaluar nga gjyqtarja e qarkut amerikan Jennifer Dorsey për keqpërdorim dhe përdorim të dokumenteve konfidenciale të vjedhura, por të mërkurën gjykata amerikane do të vazhdojë të dëgjojë avokatët që përpiqen të detyrojnë Ronaldon të paguajë më shumë miliona.
Avokatët pretendojnë se Mayorga ishte e traumatizuar në atë kohë dhe nuk luftoi për një dëmshpërblim mjaftueshëm të lartë. Megjithatë, Mayorga nënshkroi një marrëveshje konfidencialiteti me lojtarin dhe avokatët e tij gjatë pagesës së tarifës, gjë që e pengon atë të flasë për rastin, shkruan Sky News. /tesheshi.com/
