Falë dy golave të realizuar në sfidën e raundit të dytë në fazën e grupeve të Ligës së Kampionëve ndaj Malmos, Cristiano Ronaldo ka barazuar rekordin e golave të realizuar nga Raul Gonzales me fanelën e Real Madridit. Portugezi numëron 323 të tillë me petkun e bardhë dhe tashmë është një mit mes trofeve të shumta që ka klubi mbretëror.
“Duke u bërë golashënuesi më i mirë i klubit më të mirë në botë është një nder shumë i madh. Është një moment shumë i madh për mua. Raul më përgëzoi që e kam arritur atë me gola. Nuk do të gënjej – unë dëshiroja ta thyeja këtë rekord”, u shpreh i lumtur pas ndeshjes Ronaldo.
Ronaldo, gjithashtu është golashënuesi më i mirë në historinë e Ligës së Kampionëve. Me thyerjen e këtij rekordi ai, tashmë mund të konsiderohet me plot kuptimin e fjalës “legjendë” e klubit mbretëror, Real Madrid.
Kjo është lista e golashënuesve më të mirë në historinë e Real Madridit:
1.- Cristiano Ronaldo 324 gola
2.- Raul Gonzalez 323 gola
3.- Alfredo Di Stefano 307 gola
4.- Carlos Santillana 290 gola
5.- Ferenc Puskas 242 gola
6.- Hugo Sanchez 208 gola
7.- Paco Gento 181 gola
8.- Jose Martinez Pirri 172 gola
9.- Emilio Butragueno 171 gola
10.- Amancio Amaro 155 gola
/tesheshi.com/
