Ronaldo qe protagonisti i padiskutueshëm i takimit mes Alavesit dhe Realit të Madridit, duke shënuar tre gola e duke humbur një 11-metërsh.
Alaves erdhi këtë sezon nga një kategori më poshtë, por kjo nuk e pengoi të barazonte ndaj Atletikos së Madridit dhe të fitonte në “Camp Nou” ndaj Barcelonës. Në fillim të takimit të sotëm kështu u duk se do të ngjiste dhe me Realin, që në minutën e shtatë e sheh veten në humbje. Deyverson do të shënonte për vendasit.
Këtu nis dhe protagonizmi i Ronaldo-s, që pas dhjetë minutash barazon nga pika e bardhë e 11-metërshit.
I njëjti lojtar i kalon madrilenët në epërsi në minutën e 33-të. Një tjetër 11-metërsh çohet dëm prej Ronaldo-s në pjesën e dytë. Meritë pati portieri i Alavesit, Pacheco, që kuptoi krahun e gjuajtjes dhe e priti topin.
Morata i futur në vend të Benzema-së trefishoi shifrat, e Ronaldo e çoi në 1-4 fitoren.
Reali vazhdon ta kryesojë kampionatin spanjoll me 24 pikë. /tesheshi.com/
