Pas flamurit të Kosovës që u ngrit në Kazan të Rusisë, ku u zhvillua kampionati Botëror i Xhudos, Moska ka mbajtur një qëndrim jo antagonist me Kosovën, pas pranimit si anëtare me të drejta të plota e UEFA-s.
Ministri rus i Sporteve, Vitaly Mutko tha se delegacioni nga vendi i tij votoi kundër anëtarësimit të Kosovës, por shtoi se duhet të respektohet dhe njihet vendimi i shumicës.
Zyrtarim i Moskës nuk pranoi të bëjë koment mbi pretendimet e palës serbe se u shkel statuti i UEFA-s.
“Rusia nuk mbështeti vendimin e Kongresit për të anëtarësuar Kosovën, por kjo është demokracia, ky ishte vendimi i shumicës dhe ky vendim duhet të zbatohet”, deklaroi ministri rus i Sportit, Vitaly Mutko.
Ndërkaq, mediat serbe janë shprehur në zhgënjuer nga “ftohtësia” siç e cilësojnë të aleatit të tyre.
/tesheshi.com/
