Fort Hood është e njohur tashmë për vrasjen e ushtarëve. Ajo së pari u gjend në kronikat e zeza në 2009 kur një psikiatër ushtarak vrau 13 sosh në një sulm të çmendur.
Askush nuk mund të kuptojë se çfarë po ndodh në këtë bazë ushtarake amerikane, 100 milje në veri të Austin-it, Teksas. Që nga fillimi i vitit, shtatë ushtarë janë gjetur të vdekur. Vdekjet janë aq të çuditshme sa që disa dyshojnë se një vrasës serial është futur në bazë, e cila ka 36.500 ushtarë.
Viktima e fundit është 26-vjeçari Mehjor Morta.
Trupi i pajetë i tij u gjet në Stillhouse Hollow Lake, jo larg bazës ushtarake. Zyra e Sherifit e Qarkut Bell tha që ata ende po hetonin vdekjen e tij.
“Një hetim është duke u zhvilluar,” i tha ai CNN.
Morta u bashkua me njësinë në Fort Hood në shtator 2019.
Por kjo është vetëm një në një seri vdekjesh misterioze në Fort Hood, ku jetëhumburit janë kryesisht anëtarë të rinj të njësive.
Në ditën e fundit të qershorit, hetuesit gjetën edhe trupin e pajetë të Vanessa Guillen, dhe kolegia Aaron David Robinson u dyshua për zhdukjen e saj, e cila kreu vetëvrasje një ditë më vonë. Gjatë muajit qershor, autoritetet gjetën gjithashtu trupin e Gregory Morales, i cili u zhduk vitin e kaluar ndërsa po ecte në bazë.
Pasi e gjetën të vdekur Vanessa Guillen, ata dërguan ekspertë në bazë për të kontrolluar qëndrimin e komandantit ndaj vartësve dhe marrëdhënieve ndërnjerëzore.
Por përveç Guillen, të paktën shtatë ushtarë të Fort Hood kanë vdekur ose janë gjetur të vdekur në gjashtë muajt e fundit, përfshirë vetëvrasjen e një ushtari të dyshuar për vrasjen e një anëtari të ri të forcave të armatosura. /tesheshi.com/
