Sekretari i Përgjithshëm i NATO-s Jens Stoltenberg tha të mërkurën se ishte bërë përparim i mirë në negociatat teknike ushtarake midis Turqisë dhe Greqisë.
Pas takimit me kryeministrin spanjoll Ped Sanchez, Stoletenberg komentoi mbi negociatat teknike ushtarake në selinë e NATO-s të udhëhequr nga delegacionet turke dhe greke për të vendosur kriteret e demarkacionit në Mesdheun lindor dhe për të parandaluar ngjarje të pafavorshme dhe aksidente në hapësirën ajrore dhe detare të rajonit.
“Disa takime të tilla janë mbajtur dhe ato po vazhdojnë ende. Një hap i mirë përpara është bërë,” tha Stoltenberg.
Duke theksuar se këto janë negociata teknike ushtarake, ai tha se ato janë në përputhje me përpjekjet diplomatike të bëra nga Gjermania me qëllim kapërcimin e krizës në Mesdheun lindor.
Përpjekjet gjermane rezultuan në një marrëveshje të martën për të rifilluar bisedimet turko-greke.
Kreu i NATO-s e mirëpriti marrëveshjen dhe njoftoi kontakte të vazhdueshme intensive me udhëheqësit turq dhe grekë.
Të dy vendet, të gatshme për të negociuar
Tensionet midis Greqisë dhe Turqisë janë rritur pasi Ankaraja dërgoi anijen kërkimore “Oruc Reis” në rajonin e diskutueshëm të pasur me hidrokarbure në Mesdheun lindor në fillim të gushtit.
Por të dy vendet kanë shprehur gatishmëri për të rifilluar bisedimet kërkimore dhe caktuar demarkacionin në Mesdheun lindor dhe Egje pas javësh mesazhesh shumë të ashpra, tha të martën zyra e Presidentit turk Rexhep Tajip Erdogan.
Gjithashtu u njoftua se Presidenti i Këshillit Evropian, Charles Michel, shtyu samitin e vendeve anëtare të Bashkimit Evropian, i cili ishte planifikuar të enjten dhe të premten, 24 dhe 25 shtator, për 1 dhe 2 tetor, sepse një person me të cilin ishte në kontakt ka rezultuar me COVID, tha një zëdhënës të martën.
Tema kryesore e samitit të shtyrë në fillim të tetorit do ishte debati strategjik mbi marrëdhëniet e BE me Turqinë. /tesheshi.com/
