Një video e re po qarkullon në Twitter, në të cilën shikohet një iPhone 7 i cili shkrin dhe digjet brenda kasës metalike. Imazhet kanë futur frikën tek përdoruesit e Apple, të cilët mund ta pësojnë njësoj sikurse edhe përdoruesit e Samsung Galaxy note 7, të cilat u raportuan se patën shpërthime masive.
Apple ka bërë një video të re, të cilën e ka hedhur në internet, ku lajmëron se është duke punuar dhe duke vëzhguar me kujdes çdo detaj e parametër të smartfonit.
Videoja është hedhur në Twitter nga Brianna Olivas, Arizona, me mbishkrimin: “Pra, iPhone 7 plus mori flakë këtë mëngjes, edhe pse unë nuk po e përdorja. Nuk kam shpjegim për këtë”.
Në video iPhone me ngjyrë rozë të artë shihet që po shkrin dhe në ajër ngrihet tym. Olivia ka shpjeguar se telefoni kishte shfaqur probleme me ndezjen, ndaj ajo e la mënjanë dhe u shtri, ndërsa kur u zgjua vuri re situatën e mëposhtme./tesheshi.com/
