Një video e qelive të ngritura nga rusët në sallën e Dhomës së Filarmonisë së Mariupolit, për t’i kthyer gjyqet e të burgosurve ukrainas të luftës në një “show”, u publikua në rrjetet sociale nga këshilli bashkiak i qytetit ukrainas të pushtuar.
https://twitter.com/i/status/1557322557501710337
“Pushtuesit rusë vazhdojnë përgatitjet për një “gjyq” të heronjve tanë në Mariupol, që do të duket më shumë si një linçim. Ja si duken qelitë në sallën e Filarmonisë, ku duan të bëjnë një shfaqje për mbrojtësit ukrainas”, thuhet në publikimin e bashkisë.
Sipas asaj që është zbuluar, rusët po planifikojnë të mbajnë një “gjyq” të të burgosurve ukrainas nga Azovstali në Mariupol muajin e ardhshëm. Për këtë qëllim, ata montuan kafaze të burgosurve në skenën e Filarmonisë së Mariupolit, duke përdorur shufra me diametër 20 mm. Kryetari i bashkisë së Mariupolit, Vadim Boychenko, i bëri thirrje komunitetit ndërkombëtar që të mos lejojë një gjë të tillë. /tesheshi.com/
