Një polemiste e bezdisshme, aspak inteligjente e pothuajse e padijshme kur flet, më saktë dërdëllit, është bërë vitet e fundit personazh mediatik prej një mediaje që i gjuan personazhe të tilla pa pikë yndyre kulturore, mu pse janë thjeshtë të dhënë pas polemikave krejt pa bukë. Kjo është Zhaklin Lekatari, me zero vlerë për t’ju servirur publikut, ithtare e shthyrjes seksuale, që i gjithë vizioni për jetën i nis e i mbarron te organet gjenitale. Tej tyre, te ajo s’ekziston as mendja apo shpirti e aq më pak ndonjë princip njerëzor. E kundërta e elegancës femërore apo njerëzore, e zhveshur nga çdo moral dhe e veshtur e gjitha me banalitet dhe vulgaritet, goja më shumë se mendja e saj shpall besimin si diçka të keqe, sigurisht nga pozita ateiste.
“Mendoj se fetë mund të jenë një e keqe e madhe. Nuk mendoj se vlerat morale duhet t’i kem të trashëguara nga feja. Mendoj se në qendër duhet të jetë jeta, jo Zoti apo feja”, tha ajo në një debat me sociologun Ergys Mërtiri në TCH.
I nis fjalitë me fjalën “mendoj”, në fakt, e qartë është se ajo vetëm mendim nuk ka. Pra, vështirë se mendon. Të mendosh është atribut i lartë njerëzor, të cilin duhet të sforcohesh shumë ta hasesh te ajo.
Por hall i madh nuk është ajo, është servirja që media i bën asaj në publik, si një gjellë që njeriu me respekt minimal ndaj vetes nuk ndodh ta hajë. /tesheshi.com/
