Mijëra tifozë brazilianë që këndojnë e kërcejnë brohorasin për ekipin e tyre gjatë Kupës së Botës në Katar, por në zemrat e tyre ata thonë një lutje të heshtur për “mbretin e tyre”, Pele.
Ndërsa Brazili hapi derën për në çerekfinale kundër Koresë së Jugut, tifozët kishin një kërkesë të thjeshtë për ekipin – të fitonte Kupën e Botës për Pele.
Pele, emri i vërtetë i të cilit është Edson Arantes do Nascimento, po lufton me kancerin e zorrës së trashë dhe u shtrua në spital javën e kaluar me një infeksion të frymëmarrjes.
Pele ishte në përzgjedhjet braziliane që fituan titujt e kampionit botëror në 1958, 1962 dhe 1970.
“Për ne, Pele është mbret,” tha Arlem, një nxitëse e tifozëve brazilianë nga Rio de Zhaneiro, duke treguar një kurorë imagjinare mbi kokën e saj.
“Ne e duam atë. Ne e adhurojmë atë dhe duam që ai të jetojë gjatë dhe i shëndetshëm në mënyrë që të shikojë Brazilin të fitojë Kupën e Botës”, shtoi ajo.
“Si mund të krahasohet dikush me të?”
Ndërsa shumë nga tifozët e pranishëm në Katar u rritën duke dëgjuar histori të madhështisë së Pele dhe duke parë video të vjetra të aftësive të tij në shënimin e golave, pak patën fatin ta shikonin atë duke luajtur drejtpërdrejt.
Flamenco, një tifoz futbolli nga Kolumbia, pa Pelen në Mexico City kur Brazili mundi Italinë në finalen e Kupës së Botës 1970.
“Pele do të jetë gjithmonë futbollisti më i mirë i të gjitha kohërave”, tha ai për Al Jazeera.
Everything you see your favourite player doing, Pelé did it first.
The King of Football 🤴🏿pic.twitter.com/RqJPc4EJby
— Ginga Bonito 🇧🇷 (@GingaBonitoHub) December 3, 2022
Flamenco tha se arritjet e Peles bien në sy mes të gjithë atyre që erdhën para dhe pas tij.
“Diego Maradona ishte shumë i mirë, Lionel Messi është një lojtar i mrekullueshëm, por Pele? Ka fituar tre kampionate botërore, si mund të krahasohet kush me të”, tha ai.
Ronnie dhe Mary Portillo, një çift kolumbian që u rrit duke parë Pelen të thurrte magjinë e tij, ranë dakord.
“Ndërsa u rrit, ai e çoi futbollin në lartësi të reja,” tha Mary.
Pele kryeson listën e golashënuesve të të gjitha kohërave të Brazilit me 77 gola në 92 ndeshje.
Mary i vlerësoi Pelesë dhe ekipit të tij brazilian të viteve 1960 me prezantimin e konceptit të jogo bonito (loja e bukur) në botë.
“Brazilianët janë lojtarët më të mirë, ata gjithmonë luajnë jogo bonito”, thotë ai.
Ai u bëri thirrje lojtarëve që të fitojnë titullin e gjashtë
Kishte shumë bonito jogo në ekranet të hënën mbrëma, ndërsa Brazili shënoi katër gola në ndeshjen e parë me eliminim direkt në Kupën e Botës dhe dukej se do të shënonte shumë të tjerë.
Përpara se skuadra të dilte në fushën e Stadiumit 974, vetë legjenda u dërgoi atyre një mesazh motivues. Në një mesazh të postuar në llogarinë e tij në Instagram, Pele i tha skuadrës braziliane se do ta ndiqte ndeshjen nga shtrati i spitalit.
“Do ta shikoj ndeshjen nga këtu në spital dhe do të jem në zemër për secilin prej jush”, ka shkruar ai.
Ikona 82-vjeçare u bëri thirrje brazilianëve të thyejnë rekordin duke fituar trofeun e gjashtë në Katar.
Skuadra e Brazilit mbajti një pankartë të madhe për Pelen teksa festonte fitoren me tifozët. Pas kësaj, lojtarët ia kushtuan triumfin Peles dhe thanë se do të donin t’i ngrinin trofeun.
“Ai ka nevojë për shumë forcë nga ne dhe kjo fitore është për të, që të dalë nga kjo situatë dhe që ne të jemi kampionë për të”, tha Vinicius Junior, i cili shënoi golin e parë për Brazilin.
Në stadium, tifozët e “Karioke”-s me bluzat e verdha festuan fitoren e skuadrës së tyre. Por, thjesht përmendja e emrit të Peles ngjalli emocione të ndryshme tek ata.
“Sjelli vite shprese dhe gëzimi”
Renato Pelaquim i Sao Paulos u përpoq për fjalë për të shpjeguar se çfarë do të thoshte Pele për disa breza brazilianësh.
“Ai e vendosi Brazilin në hartën e botës me futbollin e tij dhe solli vite shpresë dhe gëzim për popullin brazilian”, tha Pelaquim.
“Duke sjellë tre tituj të kampionatit botëror në Brazil, ai (Pele) u dha lumturi të pamat njerëzve që po kalonin vite të vështira dhe pikëllimi”.
Tani, tha Pelaquim, është koha që brezi aktual i yjeve brazilianë të ngrihet për heroin e tyre.
“Vendi ynë po kalon sërish trazira ekonomike dhe politike. Kështu që ne kemi nevojë që ky ekip të bëjë të njëjtën gjë dhe t’i bëjë njerëzit të harrojnë dhimbjen e tyre dhe t’i plotësojnë Peles dëshirën e tij të fundit”, tha ai. /tesheshi.com/
