Pfizer Inc. dhe BioNTech i kanë propozuar Bashkimit Evropian, i cili ka një tepricë të vaksinave kundër COVID-19, që vendet anëtare të paguajnë gjysmën e çmimit, ose rreth 10 euro, për secilën nga afërsisht 70 milionë dozat e anuluara, raportoi Financial Time.
Reuters raportoi në janar se bisedimet ishin duke u zhvilluar midis BE-së dhe dy prodhuesve të ilaçeve me synimin për të reduktuar numrin e dozave të vaksinave që Brukseli është zotuar të blejë këtë vit deri në 500 milionë doza, në këmbim të një çmimi më të lartë.
Buxhetet e shteruara të shëndetësisë
Lëvizja vjen pasi BE-ja planifikon të rishikojë ligjet që rregullojnë industrinë farmaceutike prej 148 miliardë dollarësh me shpresën për të ringjallur investimet dhe për të rritur aksesin në ilaçe të përballueshme, në një kohë kur buxhetet shëndetësore janë sforcuar nga kostoja e trajtimit të COVID-19.
Pfizer nuk pranoi të komentonte raportin e FT, por tha se diskutimet po mbaheshin “me mirëbesim nga të gjitha palët”, ndërsa partneri BioNTech dhe Agjencia Evropiane e Barnave (EMA) nuk iu përgjigjën një kërkese të Reuters për koment. /tesheshi.com/
