COVID i ka marrë jetën dhe Bashkim Koplikut, një prej ish-figurave kryesore në PD pas vitit ‘92, ish-ministër i Brendshën e njëherësh zv.kryemininistër në qeverinë “Meksi”.
Vite më vonë, ai do distancohej nga PD, në papajtueshmëri me frymën Berisha, por pa patur asnjë angazhim politik.
Por nga ana tjetër, pati një angazhim publik me opinione e qëndrime në media, mbi zhvillime të ndryshme, politike e shoqërore.
Dhe deri vonë, pa u prekur nga COVID-i, që aktiv.
Ndër më të fundit qëndrime, qe ai rreth figurës së Ramës, në replikë me një aktiviste civile.
I ndjeri risolli në kujtesë anti-komunizmin monumental të kryesocialistit të sotëm në vitet ’90, duke qenë ndër ata ish-pëdëistë me vlerësime për njeriun që drejton sot në Shqipërinë, por përballë një urrejtje patologjike nga PD.
Ja ç’shkruante i ndjeri Bashkim Kopliku pak muaj më parë për Ramën:
Ishte Edi, para rrëzimit të statujë së Enverit, 1991, që dilte publikisht e shante Enverin, kur ne të PD, kishim zgjedhur taktikën e zbutjes së sulmeve kundër Enverit, që mos t’i jepnim preteks Sigurimit të Shtetit, të bënte raprezalje mbi PD dhe ta zhdukte forcën e vetme antikomuniste më të organizuar e më të madhe.
Ishte Edi, antikomunisti indiviual më publik.
Ishte Edi, që si kryeministër, u dha të gjitha këstet (shpërblimin në para për vitet e burgut) ish-të bugosurve poltikë që jetonin, kur PD, gjatë 20 e sa vjetëve, nuk u kishte dhënë asnjë të gjashtën.
Eshtë ky Edi, që si kryeministër, pruri nga SHBA e i varrosi në Shqipëri me ceremoni, eshtrat e krye-antikomunistit, kryetarit të Ballit Kombëtar, gjë që nuk e bënë për 27 vjet kryeministrat e PD-së, se nuk donin të humbnin votat e komunistëve që votonin për ta.
Është ky Edi që ndërtoi disa muze të krimeve të komunizmit.
Është ky Edi, të cilit At Zef Pllumi i thoshte, “prano kryesinë e PD-së, se ti mund ta dekomunistizosh atë”. /tesheshi.com/
