Kryeministri Rama zbarkoi te Infektivi, aty ku është një nga frontet kryesore të përballjes me COVID, ku në një bvashkëbisedim me stafin e vijës së parë, u kumtoi atyre e jo vetëm atyre, rritje tjetër pagash.
“Po përgatitemi për një rritjeve masive të pagave. Duam që të realizojmë një rritje pagash që të jetë shumë e konsiderueshme, jo 5 apo 7%….Po flasim për të gjithë mjekët edhe infermierët në të gjithë Shqipërinë që të jemi në një nivel në mesataren e lartë të rajonit, kjo është ambicia.
Nuk flasim për një rritje që do të planifikohet në kohë, por ta fusim në buxhetin e ri dhe ta bëjmë fakt në fillim të vitit të ardhshëm. Me të filluar viti i ardhshëm. Ajo nuk e kompenson aspektin fizik apo moral, është një vlerësim objektiv. Kemi marrë hapa që të mos i lënë mjekët të largohen dhe nga pikëpamja financiare të ketë një balance, më pas zgjedhjen e bën secili, jetojmë në një sistem të hapur.
Edhe bonusi për ata jashtë Tiranës ka funksionuar. Largimi ka rënë ndjeshëm edhe specializantët që dalin qëndrojnë jo nga halli por shohin si mundësi të arsyeshme ta fillojnë këtu karrierën. Për rreth dy javë do të vendosim nivelin e rritjes së pagave“, theksoi i pari i qeverisë.
Duke analizuar situatën e infektimeve, ai tha nuk do ketë rikthim në izolim, apo se gjithsesi, Shqipëria ka tregues më pak dramatikë në nivel rajonal.
“Ne e kemi ditur që numri do të rritet në momentin që do të hapemi. Karantina na dha mundësi të përgatitemi dhe për të kuptuar se kjo nuk është lojë, por nuk mund të rrimë në karantinë gjithë kohën. Nuk është se u mbyllëm dhe ai iku. Numri i vdekjeve për fat të keq është i pashmangshëm që shkon në një farë proporcioni me numrin e të prekurve. Këtë e dimë mirë.
Numrat po rriten kudo me shpejtësi. Ne në rajon kemi një pozicion të qëndrueshëm dhe me një numër të ulët në raport me një pjesë të madhe të të tjerëve dhe nga ana tjetër kemi më pak vdekje në 6-mujorin e parë se vitin e shkuar, 3.2%. Janë dinamika që askush nuk i lidh dhe t’u japë një konskluzion. Ju e shikoni vetë, është befasi e madhe”, theksoi Rama.
Duke folur për vaksinën e pritshme, ai tha:
“Kemi bërë një rezervim për vaksinën kur të dalë, do të shohim si proces kur të dalë. Edhe për strukturat jemi përgatitur për ta zgjedhur kapacitetin pritës“. /tesheshi.com/
