Në raportimin e përditshëm të autoriteteve shëndetësore shqiptare, theksohet se numri i jetëve të humbura ka shkuar në 16, si lajm i mirë ofrohet ai i një sërë të shëruarisht të tjerë.
Por herë të parë, evidentohen dhe rastet kur koronavirusi ka prekur dhe fëmijë.
“Ju bëjmë me dije se mëngjesin e sotëm ka ndërruar jetë një pacient 78- vjeçar nga Durrësi i konfirmuar me COVID-19. 78-vjecari ishte në gjendje të rëndë, i intubuar prej 3 ditësh dhe pavarësisht përpjekjeve të stafit mjekësor fatkeqësisht nuk arriti të mbijetojë.
Ministria e Shëndetësisë dhe Mbrotjes Sociale i shpreh ngushëllimet familjes së të ndjerit.
Deri tani janë 16 persona që kanë ndërrur jetë nga COVID-19 në Shqipëri.
Në 24 orët e fundit janë testuar 96 persona të dyshuar, prej të cilëve janë konfirmuar 18 raste të reja me COVID-19.
Deri në këto momente janë testuar 1919 raste të dyshuara dhe prej tyre janë të konfirmuar pozitivë me COVID-19, 277 raste, nga të cilët vetëm 8 janë fëmijë. Mosha mesatare e rasteve pozitve me COVID-19 është 50 vjeç.
Lajmi i mirë është që gjatë 24 orëve të fundit kemi 9 pacientë të shëruar duke e çuar numrin e të shëruarve nga COVID-19 në 76″, thuhet në deklaratë. /tesheshi.com/
