Ministri Lleshaj apeloi për ta marrë seriozisht ruajtjen nga infeksioni koronar, duke thënë se përvoja nga një mik i tij ia diktonte këtë.
“Jam marrë gjithë mëngjesin me një mikun tim që nuk e besonte kurrë që mund ta kapte, por tani është në vështirësi vetë prej kësaj, është serioze dhe e rëndësishme që të bëjmë maksimumin, nuk po them të mbyllemi prapë, por ato minimume kujdesi duhet ti bëjë që të parandalojmë një riizolim“, tha Lleshaj nga Peshkopia.
Nga ana tjetër, edhe Dr.Kalo tha që njerëzit duhet të mos bijnë pre e idiotësive konspiracioniste për një virus që s’ekziston.
“Mos vijoni të bëheni pre e idiotësirave të mosekzistencës së Sars-Cov2/Covid-19. Bëhet fjalë për një virus dhe një sëmundje me dykuptimshmëri njëthelbësore, e cila duhet marë sa më seriozisht”, shkroi epidemiologu i njohur. /tesheshi.com/
