Sekretari i Përgjithshëm i NATO-s, Jens Stoltenberg thotë se pandemia e virusit COVID-19 në asnjë mënyrë nuk e ka tronditur aftësinë e Aleancës për të ndërmarrë veprime.
Gjatë një videokonferencë në selinë e Aleancës në Bruksel, Stoltenberg shprehu mbështetje për të gjithë anëtarët e NATO-s në përpjekjet e tyre për të luftuar koronavirusin.
“Këto janë periudha sfiduese për të gjithë ne – si individë, bashkësi dhe shtete. Kjo është një kohë kur rezistenca jonë është testuar në maksimum”, tha ai.
Sekretari i Përgjithshëm i NATO-s thekson se pandemia COVID-19 është një “krizë e paparë”.
“Ne kemi kapërcyer krizat e tjera, ne do ta kapërcejmë këtë së bashku,” tha ai.
Ai vëren se NATO po zbaton masa të forta për të zvogëluar përhapjen e virusit COVID-19 te ushtarët dhe civilët, dhe se po vazhdon misionin e saj thelbësor për të mbrojtur aleatët.
“Çështja kryesore është ruajtja e shëndetit dhe e moralit”, shtoi ai.
Stoltenberg shprehet se raporti i fundit i NATO-s për vitin 2019 tregon mbështetjen e konsiderueshme që Aleanca ka midis qytetarëve të 29 aleatëve dhe Maqedonisë Veriore. /tesheshi.com/
