Më në fund telenovela Coutinho rezervon happy end për brazilianin. I kërkuar me insistim nga Barça prej një viti, e i dëshiruar për të zbritur në Camp Nou, sulmuesi pengohej nga klubi i tij Liverpool, që kërkonte zbatimin e kontratës.
Por zyrtarisht klubet kanë gjetur akordin dhe braziliani do të prezantohet të hënën në Barcelonë. Marrëveshja është arritur për shumën 120 milion euro, si edhe 40 milion të tjera bonus.
Trajneri i Liverpool, Jurgen Klopp i ka uruar aventurën e re 26-vjeçarit, duke deklaruar me “zotnillëk”, se kur një lojtar do që të largohet, askush nuk duhet ta ndalojë. Philipe Coutinho do të luajë për 5 vjet me klubin katalanas, e do të zërë vendin e Neymar në të majtë të sulmit të Barcës.
Nga ana tjetër klubi britanik po sheh menjëherë për pasuesin e brazilianit. Pista ku janë përqëndruar “Të Kuqtë”, është algjeriani Mahrez i Leicester, i cili u tentua edhe në verë nga Liverpool. /tesheshi.com/
