Skënder Brataj, shefi i Shërbimit të Urgjencës shqiptare, është ndër të infektuarit VIP të shëndetësisë shqiptare këto ditë. Ai e qartësoi vetë atë çfarë ndodhi me të, duke ndarë me publikun rënien viktimë nga armiku me të cilin po luftohet.
“Unë aktualisht kam një gjendje të lehtë të sëmundjes dhe tani po kurohem në banesë. Temperatura ime në këtë moment është vetëm 37,5 nga 39,5 qe ë ishte dy ditë me parë.
Ne personeli mjekësor dhe mbështeës, nuk i shmangemi dot betejës, linjës së parë për të cilën jemi përgatitur.
Eshtë normale, që sado masa parandaluese të marrësh, në front mund të dëmtohesh në këtë luftë të padukshme”, shkroi Brataj, duke këshilluar akoma dhe më shumë për izolim.
Por nga dhe si e morri infeksionin njeriu nr.1 i Urgjencës shqiptare?
Ne mjekët jemi në vijën e parë. Dhe kjo na bën të rrezikuar. Në çdo rast kemi pasur veshjet e posaçme. Në mbledhje kemi qenë me maska. Dihet që nga spërkalat virusi përhapet, por mund të ketë edhe ndonjë mënyrë tjetër që se dimë”, tha Brataj gjatë një prononcim për Open të Eni Vasilit.
Ndërsa i pyetyr për terapinë, ai tha: “Po trajtohem me antiviralë dhe antibiotikë. Kështu ndihmoj në uljen e teperaturës. Një kontroll për mushkëritë e bëra sot dhe rezultoi pa dëmtime”. /tesheshi.com/
