Presidenti amerikan Donald Trump shprehu shpresë të dielën se SHBA së shpejti do të shohë një “zbrapsje” të krizës së koronavirusit në disa pika të nxehta, por ekipi i tij i ekspertëve të shëndetit nuk është optimist.
Shteti më i prekur, New York-u, njoftoi të dielën se për herë të parë brenda një jave, pak më pak njerëz të vdekur se një ditë më parë. Por shifra është ende e lartë me afro 600 vdekje të reja dhe mbi 7.300 infeksione të reja.
“Ndoshta kjo është një shenjë e mirë,” u tha Trump gazetarëve në Shtëpinë e Bardhë.
Trump i sheh këto shifra si një tregues se amerikanët kanë filluar të shohin “dritën në fund të tunelit”.
Antony Fauci, eksperti i njohur në ekipin e Trump-it, thotë se do të duhen javë të tëra për t’u përmbajtur me distancë sociale dhe me qëndrim në shtëpi për të ngadalësuar përhapjen e virusit.
Ai nuk kundërshtoi drejtpërdrejt presidentin, i cili shpesh kritikohet për marrjen e qëndrimeve optimiste larg realitetit.
“Ajo që ju dëgjoni për dritën e mundshme në fund të tunelit nuk e mohon faktin se mund të jetë shumë më keq nesër dhe ditët e ardhshme,” tha Fauci.
Cirku i vërtetë në konferencë doli në dritë kur një gazetar e pyeti Trump pse po promovonte kaq shumë hidroksilklorinë, një ilaç që përdoret për të trajtuar malarien, si një trajtim i mundshëm për koronavirusin.
“Nuk e di nëse do të funksionojë. Por çfarë mund të humbasim?”, ishte përgjigja.
Atëherë një gazetar i CNN e pyeti Faucin për të njëjtën gjë, por Trump e pengoi ekspertin të përgjigjet.
“Sa herë e keni bërë atë pyetje. Mendoj 15 herë!”, ndërpreu bisedën Trump ndërsa Fauci qeshi …/tesheshi.com/
