Tuzi, komuna shqiptare e në kufi me Shqipërinë në Mal të Zi, është qenda e Coronas në fqinjin verior, aty ku virusi famëkeq ishte i fundit vend që u fut në rajon. Instituti i Shëndetit Publik në Mal të Zi regjistroi 15 raste infeksioni në këtë komunë prej rreth 12,000 banorësh, kryesisht shqiptarë dhe boshnjakë.
“Nga 34 të testuarit në rang vendi, 18 ishin rezultuan pozitivë, 15 prej të cilave ishin nga Tuzi. Situata është shumë e rrezikshme”, tha drejtori i Institutit Boban Mugosha.
Ai njoftoi të mërkurën se po eksploronte gjerësinë e epidemisë në Tuz, dhe i kërkoi popullatës së zonës që të mos dilte nga shtëpia.
Zëvendëskryeministri malazez Milutin Simoviç, i cili kryeson Trupin Kombëtar të Koordinimit të Sëmundjeve Infektive, tha se lufta në Tuz dhe tërë Malin e Zi kishte filluar sonte.
“Qytetarët e Tuzit dhe në të gjithë Malin e Zi kanë qenë gjithmonë të mençur dhe të aftë, të durojnë dhe mbijetojnë. Kjo është beteja që ne po fillojmë sonte. Ne duhet ta fitojmë atë për të mirën e qytetarëve të Tuzit dhe për të mirën të të gjithë qytetarëve të Malit të Zi”, tha Simoviç.
Komuna me shumicë shqiptare e Tuzit është komuna më e re në Mal të Zi. Ajo e fitoi këtë status në fund të vitit 2018, dhe deri atëherë ishte pjesë e Podgoricës.
Në një apel, kryetari i Komunës Nick Gjeloshaj bëri thirrje që “të gjithë të qëndrojnë sot në shtëpitë e tyre dhe të izolohen”.
“Izolimi shqiptar është një premtim i vendosur që duhet të mbahet me koston e jetës”, shtoi ai. /tesheshi.com/
