Ndër të fundit të infektuar në Kosovë, janë dhe dy raste të pazakontë, kur Corona iu është futur në trup njerëzve me një status të veçantë social. Fjala është për një klerik e një zyrtar ministrie.
Për të parin, fjala është për hoxhën e fshatit Smrekonicë në ka Vushtrri, i cili ka rezultuar pozitiv. Kjo ka bërë që me vendim të Ministrisë së Shëndetësisë i gjithë fshati të futet në karantinë.
Duke konfirmuar lajmin, kryetari i Komunës së Vushtrrisë Xhafer Tahiri, tha për hoxhën se ai ka pasur kontakt me familjarët e tij dhe ka rezultuar pozitiv”.
“Ne jemi në kontakt me Këshillin e këtij fshati dhe jemi aty për të i’u gjetur afër. Me vendim të Ministrisë së Shëndetësisë ky fshat është vendosur në karantinë”, tha njeriu nr.1 i Vushtrrisë.
Nga ana tjetër, Corona ka prekur dhe një zyrtar të ministrisë së linjës, asaj të Shëndetësië. Por sipas Faik Hotit nga kjo ministri, për fat, i prekuri nuk ka pasur kontakt me familjen dhe është vetizoluar.
Nga ana tjetër, një dyzinë kolegësh të tij në Ministrinë e Shëndetësisë janë testuar dhe fatmirësisht kanë dalë negativë.
“Për fat me familjen nuk ka pasur kontakt, ndërsa 58 përfaqësues të departamenteve të ndryshme të Ministrisë së Shëndetit që në një formë kanë pasur kontakt, janë testuar por të gjithë kanë dalë negativë dhe kjo për arsye se kanë përdorur mjete mbrojtëse”, tha Hoti.
Kosova ka një dinamikë të përmbajtur të rasteve të infektimit, pa tregues dramatikë, ndërkohë që veçon nga vendet e tjera për faktin se vëmendjen dhe interesin publik e ka të ndarë mes epidemisë dhe zhvillimeve të nxehta politike.
Në total numërohen 184 të infektuar e dy humbje jete. /tesheshi.com/
