Data e zgjedhjeve varet nga qëndrimi i qeverisë së Maqedonisë Veriore ndaj gjendjes së jashtëzakonshme të paraqitur për shkak të epidemisë së koronavirusit, tha të hënën Zëvendëskryeministri për CCshtjet Evropiane, Bujar Osmani.
Ai tha se seanca e qeverisë në të cilën do të vendoset gjendja e jashtëzakonshme, dhe bazuar në vlerësimin e Komisionit për Sëmundje Infektive, do të mbahet të premten.
“Gjendja e jashtëzakonshme do të ndikojë drejtpërdrejt në zgjedhje. Kjo është arsyeja pse ne do të presim deri të premten për të parë qëndrimin e qeverisë për çështjen e heqjes së gjendjes së jashtëzakonshme”, u tha Osmani gazetarëve në Shkup, duke iu përgjigjur pyetjes nëse 5 korriku mbetet data e zgjedhjeve.
Gjendja e jashtëzakonshme 14-ditore, e shpallur nga Presidenti Stevo Penderovski, skadon në 14 qershor. /tesheshi.com/
