Një rast i rrallë ekzaminimi me koronavoris ka ndodhur në Kosovë. Një paciente që është futur në operim, ka rezultuar njëherësh e infektuar me COVID-19.
“Ju konfirmojmë se një rast kirurgjik i transferuar nga Spitali i Pejës është pranuar si rast urgjent në emergjencë nga kirurgët abdominal dhe ekipi anestezionit. I njëjti rast pasi i është bërë analiza për Covid-19, ka rezultuar pozitiv.
Jemi në pritje të raportve zyrtare, mesa kemi informatat e para, stafi ka punuar me masa mbrojtëse. Jemi në konsultim me Institutin dhe instancat tjera relevante për hapat e mëtejmë”, thuhet në përgjigjien e QKUK-së.
Megjithatë, bëhet me dije se stafi ka operuar duke qenë me vëshje mbrojtëse.
Ndërkohë, Kosova ka shënuar të 8-ën viktimë nga koronavirusi, jo një e moshuar por një 39-vjeçare, e cila ka qenë nga Istogu. Gjithsesi, thuhet se ajo ka patur probleme me zemrën.
“Ka qëndruar në Spitalin tonë dy ditë e gjysmë me probleme me zemër dhe përkeqësime në lukth, pa shenja tjera primare. Në përmirësim e sipër, mbrëmë në moment i është përkeqësuar situata. Dy teknik urgjentisht kanë intervenuar, kanë qenë pa maskë, sepse ka qenë urgjencë nga dhoma në dhomë”, tha Drejtori i Spitalit të Përgjithshëm Rajonal të Pejës, Skënder Dreshaj. /tesheshi.com/
