Kufiri midis dy shteteve më të populluara të Australisë do të mbyllet që nga e marta ndërsa autoritetet përpiqen të parandalojnë përhapjen e koronavirusit në Melburn.
Vendimi i shpallur të hënën do të thotë që për herë të parë në 100 vjet, kufiri midis shteteve australiane të Viktorias dhe Uellsit të Ri Jugor do të mbyllet. Zyrtarët bllokuan lëvizjen e fundit midis dy vendeve në vitin 1919 gjatë pandemisë së gripit spanjoll.
“Eshtë një veprim i zgjuar, lëvizja e duhur në këtë moment duke pasur parasysh sfidat e rëndësishme që ne hasim në luftimin e këtij virusi,”tha kryeministri i Viktorias, Daniel Daniel Andrews para gazetarëve në Melburn.
Masa ka të ngjarë të jetë një goditje për rimëkëmbjen ekonomike të Australisë, ekonomia e së cilës ka hyrë në recesionin e saj të parë në gati tre dekada.
Numri i rasteve të COVID-19 në Melburn, kryeqyteti shtetëror i Viktorias, është rritur ditët e fundit, duke detyruar autoritetet të lëshojnë urdhra të rrepta për distancë fizike në 30 periferi dhe të vendosin karantimin për nëntë ndërtesa banimi shumëkatëshe.
Kryeministri i Uellsit të Ri, Gladys Berejiklian tha se nuk ishte vendosur se kur kufiri do të rihapet, përgjatë së cilës ushtria do të patrullonte për të parandaluar kalimet e paligjshme.
Kufiri shtetëror është shumë poroz, me 55 rrugë, parqe dhe lumenj. Disa kompani punojnë në të dy palët çdo ditë, e gjithashtu punëtorë dhe fëmijë udhëtojnë çdo ditë.
Australia u përpoq më mirë sesa shumë vende në pandeminë e koronavirusit, me vetëm 8.500 raste deri më tani, por epidemia e Melburnit ishte pika e kthimit.
Shteti raportoi mesatarisht 109 raste në ditë gjatë javës së kaluar, krahasuar me një mesatare prej vetëm nëntë raste në ditë gjatë javës së parë të qershorit. /teshesh.com/
