Atletico Madrid-i dhe Valencia janë dy skuadrat e fundit që kanë shkruar emrin në çerekfinalet e Kupës së Spanjës. Të dyja skuadrat kanë treguar formë të mirë gjatë rrugëtimit të deritanishëm në këtë aktivitet, duke shprehur kështu ambiciet për ta fituar trofeun përkatës.
Detyrën e lënë në mes në sfidën e parë përballë Rayo Vallecano-s, madrilenët e drejtuar nga Diego Simeone e kanë përfunduar në “Vicente Calderon”, duke fituar 3-0 e duke u kualifikuar. Katalizatorë të këtij triumfi të Atletico Madrid-it ishin Angel Correa dhe Antoine Griezmann, që me golat e tyre i bënë të lumtur të pranishmit në stadium.
Në përballjen tjetër, Valencia bëri një paraqitje krejtësisht të ndryshme nga ajo që kemi parë javët e
fundit në kampionat. Në sfidën me Granada-n në transfertë, lojtarët e Valencia-s e gjetën tre herë rrjetën kundërshtare, dhe e mbyllën tërë takimin 0-3. Pasi Valencia e pati fituar ndeshjen e parë 4-0, golat e Zahibo-s, Paco Alcacer-it dhe Piatti-t veç e bënë fakt të kryer kualifikimin. /tesheshi.com/
