Chelsea ka arritur një fitore fantastike 4-0 në transfertën ndaj Stoke City.
Kjo fitore erdhi falë një paraqitje brilante nga sulmuesi spanjoll Alvaro Morata që shënoi një tregolësh.
Pas ndeshjes, trajneri i Chelsea, Antonio Conte ka ngritur në qiell futbollistin spanjoll.
Conte ka thënë se Morata përveç se është një futbollist i madh është edhe një djalë i shkëlqyer jashtë fushës sa që do të dëshironte t’ia jepte vajzën për grua.
“Alvaro është një futbollist i mrekullueshëm, me transferimin e tij kemi bërë një investim të mirë. Është një sulmues i kompletuar dhe e kupton lehtë se çfarë duhet të bëjë në fushë”, deklaroi Conte.
“Morata mund të rritet edhe më shumë dhe besoj se do t’ia dalë nëse vazhdon të stërvitet kështu.
Atë e pret një e ardhme e ndritur dhe jam i bindur për këtë. Morata edhe jashtë fushe ka një sjellje të shkëlqyer, është nga ata djem që do dëshiroja t’i jepja vajzën për grua”, u shpreh Conte.
Conte dhe Morata kanë punuar së bashku edhe në kampionatin italian te Juventus.
Spanjolli iu bashkua Chelsea nga Real Madrid, ndërsa ka shënuar gjashtë gola dhe ka dhuruar dy asist në Premier League. /tesheshi.com/
