Një qeveri e re është formuar në Itali, e udhëhequr nga ish-kryeministri Giuseppe Conte, por kësaj radhe nuk do të ketë në përbërje njeriun e ekstremit të djathtë, Matteo Salvini, dhe LEGA-n e tij anti-emigrante.
Kryeministri Conte i dorëzoi Presidentit Sergio Mattarelli programin e qeverisë së re dhe një listë me emrat e ministrave.
Megjithëse rivalë Partia Demokratike e qendrës së majtë përfundimisht ra dakord të sundojë me lëvizjen populiste Pesë Yje, çka shamngu Salvinin me ëndrrën e tij për t’u bërë kryeministër dhe mundësoi një tjetër qeveri nën drejtimin e avokatit apartiak Giuseppe Conte.
Ky i fundit u tha gazetarëve pas takimit me Presidentin Mattarella se ata kishin përgatitur një program shumë të mirë kushtuar të ardhmes së vendit dhe të gjithë qytetarëve të tij.
“Ne do t’i kushtojmë energjinë dhe aftësitë tona të jashtëzakonshme për mirëqenien e të gjithë qytetarëve tanë italianë, nga veriu në jug”, tha Conte.
Ai theksoi se qeveria e re do të ketë 10 ministra nga Lëvizja Pesë Yje (M5S), 9 nga Partia Demokratike (PD) dhe një nga Partia Liria dhe Barazia (LEU). Qeveria e re do të ketë gjithsej 7 gra.
Koalicioni i ri duhet të kalojë një votim të detyrueshëm besimi në të dy dhomat e parlamentit italian. /tesheshi.com/
