Chelsea i Londrës gjen tek Alvaro Morata, lojtarin që do të vendoset në majë të sulmit. Marrëveshja mes britanikëve dhe spanjollëve të Realit të Madridit, është mbyllur në parim dhe Morata do t’i bashkohet këto ditë trajnerit Antonio Conte, ndërsa tek londinezët e Chelsea, do të qëndrojë të paktën 5 vjet.
Për arkën e madrilenëve, shitja e Moratës “përkthehet” në 80 milion euro, ndërsa në llogarinë bankare të sulmuesit do të shtohen 10 milion euro çdo sezon, “përveç të tjerave”. Në këtë mënyrë, klubi anglez mbush boshllkëkun e lënë nga largimi “brutal”, vetëm me një sms, i Diego Costas.
Ndërsa trajneri Conte ka në skuadër një sulmues që i shton variacionet në këtë repart, pasi lëviz shumë, por edhe driblon me top…edhe pse “shpirti i qan ende”, për “driblimin” që i bëri Mourinho, kur i mori tek Manchester United, dëshirën më të madhe të Conte-s, Romel Lukakun. /tesheshi.com/
