Ish-Sekretari i Shtetit, Colin Powell se Izraeli ka 200 bomba atomike, në një e-mail të cilin e kanë publikuar hakerët rusë, njofton Times of Israel në edicionin online.
Powell ia ka dërguar këtë e-mail donatorit të Partisë Demokratike, Jeffrey Leeds, duke komentuar një fjalim të cilin e ka mbajtur kryeministri izraelit, Benjamin Netanyahu në Kongres në mars të vitit 2015 në lidhje me rrezikun që paraqet marrëveshja bërthamore me Iranin.
Ish-Sekretari i Shtetit amerikan në atë e-mail ka shprehur dyshimin e tij se autoritetet iraniane do të përdorin bombën atomike, për shkak se “djemtë në Iran e dijnë se Izraeli i ka 200 sosh, të gjitha të drejtuara drejt Iranit, ndërkaq ne kemi me mijëra sosh”.
Izraeli përfaqëson të ashtuquajturën “politikë të një paqartësie bërthamore”, me ç’rast në publik as nuk konfirmon as nuk mohon ekzistimin e një arsenali bërthamor.
Sipas raportit të Këshillit të Shkencëtarëve amerikanë, megjithatë, besohet se Izraeli ka mes 80 dhe 400 armë bërthamore, edhe pse autorët e dokumentit kanë vlerësuar se më afër së vërtetës është numri prej 80, thuhet në gazetën izraelite. /tesheshi.com/
