Lajmi i keq është dhënë prej kohësh, çokollata shumë shpejt nuk do të jetë e mjaftueshme për të gjithë pëlqyesit e saj. Në vend të saj është zbuluar një frutë tropikal me shije pothuajse të ngjashme me kakaon. Jeni gati për varësinë e re? Shumë prej nesh do ta kishin të pamundur të përfytyronin një jetë pa çokollatë. Sidomos ata që nuk se marrin shumë kënaqësi të tjera prej saj (jetës d.m.th.).
Mirëpo, me kalimin e kohës, duhet të mësohemi me idenë sepse çokollata, sipas ekspertëve, është në rrezik zhdukjeje. Thuhet se në vitin 2020 do të duket kriza më e madhe e saj e për pasojë edhe tregu do të ndryshojë. Mirëpo, qysh tani, disa vite më parë, zgjidhja është gjendur. Fruti i ri tropikal do të zëvendësojë kakaon.
Giaca ka aromë e shije shumë të ngjashme dhe kultivohet në Amerikën e Jugut, Azi, Afrikë dhe Australi. Është më masive se kakao dhe shumë më ekonomike. Pra, në këtë rast, e keqja ka edhe të mira. Tashmë kanë përfunduar eksperimentet me këtë frutë të ri, në Brazil.
Shijuesit e përzgjedhur kanë konfirmuar tashmë se aroma është shumë e ëmbël, të kujton pak shijen e karamelet, kakaos dhe lajthisë. Nga përshkrimi po e presim pa durim. Siç duket, nuk do të kemi nevojë të përzgjedhim një çokollatë me shije karamele o lajthie sepse fruti ekzotik i ka të gjitha brenda me një çmim të mirë./tesheshi.com/
