Coca-Cola është e njohur për pije e bazuar në kafeinë, por duket se ajo është e gatshme për të zgjeruar listën e përbërësve duke e bërë këtë pije dhe me kanabis.
Duke iu referuar BNN Bloombergut kanadez, BBC njofton se Coca-Cola është në bisedime me një prodhues lokal të kanabisit në Kanada, në mënyrë që së bashku me të ta bëjnë të mundur nxjerrjen e të parës pije me bimën e njohur, rreth së cilës ka shumë debat.
“Ne po ndjekin nga afër rritjen e cannabidiolit pa efekte psikoaktive, si një përbërës në pije në mbarë botën”, u tha nga kompania e njohur.
Cannabidioli është përbërës aktiv nga fije kërpi, e cila mund të ndihmojë në lehtësimin e inflamacionit dhe dhimbjeve të nndryshme. Këto negociata vijnë në një kohë kur Kanadaja po punon për legalizimin e kanabisit për qëllime rekreative, siç ka ndodhur dhe në disa shtete amerikane. Kujtojnë se në Kanada, përdorimi i kanabisit për qëllime mjekësore lejohet prej vitesh. /tesheshi.com/
