Shumat marramendëse të fituara nga klikimet dhe nga shërbimet online për të reklamuar, i kanë inkurajuar të rinjtë e Velesit që të krijojnë ”fabrika” të lajmeve të rreme, që besohet se kanë ndryshuar rezultatin e zgjedhjeve presidenciale në SHBA.
Media edhe më herët ka shkruar për këtë fenomen që e vendosi Maqedoninë e vogël të Ballkanit, në krye të hartës botërore.
Facebook dhe Twitter kishin premtuar para disa muajve se do të luftojnë lajmet e rreme që mund të ndikojnë politikën globale para zgjedhjeve në çdo shtet.
Por kush e ka drejtuar gishtin tani nga Velesi?
CNN ka përgatitur një histori të tërë për të rinjtë e Velesit, të cilët trajtohen si një rast që Bota dhe teknologjia moderne duhet të ketë kujdes.
Në zgjedhjet e vitit 2022 do të ketë kontroll më të rreptë që të parandalohet shpërndarje e lajmeve nëpër profilet e rreme, të regjistruara me adresa në SHBA por realisht, pas tyre janë të rinj të etur për para dhe përfitim të shpejtë që punojnë nga një kompjuter.
Në kronikën e CNN për Velesin kanë folur edhe nismëtarët e lajmeve të rreme, të cilët kanë thënë se përfitimet janë të majme. Ndoshta janë më të mëdha se sa prindërit e tyre kanë punuar për të fituar gjatë tërë jetës.
Mile Boshnjakovski, zëdhënës i Qeverisë së Maqedonisë ka thënë se janë të gatshëm që t’i bashkangjiten aksionit global për të parandaluar shpërndarjen e lajmeve të rreme.
Sfida, mes informimit dhe “parave që fitohen lehta” për të rinjtë e Velesit, është e autoriteteve në SHBA. /tesheshi.com/
