CNN publikoi një video shqetësuese nga kamerat e vëzhgimit që tregon ushtarët rusë duke qëlluar dy civilë të paarmatosur pas shpine në periferi të Kievit.
Civilët u vranë dhe prokurorët ukrainas e konsiderojnë ngjarjen nga video një krim lufte. Viktimat u identifikuan, ku njëri ishte pronar i një koncesionari makinash, identiteti i të cilit nuk bëhet i ditur, ndërsa tjetri ishte Leonid Oleksijevic Pljac, një gjysh 68-vjeçar, i cili punonte si roje në shitësin e makinave. Vajza e tij Julia tha se ajo nuk mund ta shikonte videon, por se do ta ruante që t’u tregonte fëmijëve “të mos harrojnë se si ishin pushtuesit rusë”.
Pamjet e kamerave të vëzhgimit regjistruan përpjekjen e parë për të marrë Kievin në mars. Luftimet në rrugën kryesore për në kryeqytet ishin të ashpra pasi forcat ukrainase luftuan me trupat dhe tanket ruse për të ndalur përparimin rus.
Por ajo që ndodhi para sallonit të makinave më 16 mars nuk ishte një përleshje mes ushtarëve apo edhe ushtarëve dhe civilëve të armatosur, shkruan CNN, i cili verifikoi videon e publikuar.
Në video shfaqen pesë ushtarë që vijnë te shitësi i makinave. Më pas tentojnë të hyjnë në objektet e biznesit, duke qëlluar në brava dhe duke thyer xhama. Pronari iu afrua me duar të ngritura dhe ushtarët rusë e ndaluan dhe e kontrolluan, të ndjekur nga Pljac. Më pas duket se ka pasur një bisedë.
Pas kësaj ndodhi vrasja e tyre. /tesheshi.com/
