Gjatë mandatit të tij, Presidentit amerikan Barak Obama i është dashur të dalë 15 herë për të bërë deklarata në lidhje dhunën e shkaktuar nga armët e zjarrit.
Pasi një person hapi zjarr në një shkollë të mesme në Oregon, SHBA, duke vrarë nëntë vetë e duke plagosur shtatë të tjerë, Obama, dukshëm i mërzitur, tha se këto lloj vrasjesh po bëhen më shumë të shpeshta.
Sulmuesi vdiq po ashtu, edhe pse akoma është e paqartë nëse e vrau policia apo kreu vetëvrasje.
“Raportimi është kthyer në rutinë,” tha Obama. “Reagimet e mia në këtë podium janë bërë rutinë, biseda pas ngjarjeve të tilla është bërë e tillë. Po na bëhet normale.”
Më pas ai u kërkoi mediave të shënojnë numrin e amerikanëve të vrarë nga sulmet terroriste gjatë dhjetëvjeçarit të fundit e t’i krahasojnë ato me numrin e amerikanëve të vrarë nga dhuna me armë.
Rrjeti CNN, duke përdorur numrat e ofruar nga Qendra për Parandalimin dhe Kontrollin e Sëmundjeve (CDC-en.), ka gjetur se nga viti 2001 deri në vitin 2013, në territorin amerikan kanë vdekur 406 mijë e 496 vetë nga armët e zjarrit (statistikat e fundit nga CDC janë të vitit 2013).
Këto të dhëna përfshijnë të gjitha mënyrat e vdekjes; vrasjet, aksidentet dhe vetëvrasjet.
Sipas Departamentit Amerikan të Shtetit (DASH), numri i qytetarëve amerikanë të vrarë jashtë vendit si rezultat i sulmeve terroriste nga viti 2001 deri 2013 është 350 vetë.
CNN i ka shtuar këtyre të dhënave edhe aksidentet brenda SHBA-ve dhe ka gjetur se midis vitit 2001 dhe 2013, janë vrarë 3 mijë e 30 vetë nga sulmet terroriste (përshirë sulmet e 11 Shtatorit). Kjo e çon numrin total në 3 mijë e 380 vetë.
Praktikisht, për çdo amerikan të vrarë nga sulmet terroriste brenda apo jashtë SHBA-ve, ka pasur 1 mijë amerikanë të vrarë nga armët e zjarrit përgjatë dekadës së fundit.
Burimi: CNN – tesheshi.com
