Këngëtarja e famshme greke, Marinela, ajo qe me hitin e saj “Dimitrula” do ngazëllente publikun shqiptar në vitet ’80 me një koncert në Tiranë, pësoi hemoragji cerebrale në skenë teksa këndonte, duke u plandosur përtokë. Tashmë, ajo po lufton për të mbetur në jetë.
Interpretuesja e madhe 86-vjeçare u rrëzua mbrëmë në skenën e Herodeionit teksa këndonte.
Sipas informacioneve të medias athinjote, zonjës së madhe të këngës greke i është rikthyer vetëdija në dhomat e zhveshjes, ndërsa pranë saj që në minutën e parë ka qenë mjeku i saj personal, i cili i ka dhënë edhe ndihmën e parë.
Në spital, ai iu nënshtrua një skaneri, i cili zbuloi një hemorragji në tru dhe raportohet se kishte një dhimbje koke shumë të fortë para koncertit.
Njoftim mjekësor për Marinelën:
“Znj. Papadopoulou Kyriaki (Marinella) u dërgua me urgjencë në Spitalin HYGEIA në orën 22:30 pas një episodi të fikëti.
U konstatua se ajo pësoi një goditje të rëndë në tru (gjakderdhje) dhe u transferua në ICU ku qëndron e shtruar në spital”.
Gjithçka ndodhi vetëm gjatë këngës së tretë që ajo interpretoi, e famshmja “Fjalët janë të panevojshme” një nga hitet e saj më të mëdha. Në vargun “O Zot, na mësove sa shumë të të duam” interpretuesja 86-vjeçare u rrëzua në skenë duke i rënë të fikët dhe menjëherë muzikantët e saj nxituan për ta ndihmuar.
Publiku ngriu në aktivitet dhe qëndroi në vendet e veta për disa kohë, derisa u njoftua nga produksioni se koncerti ishte shtyrë përfundimisht. Më pas spektatorët nisën të largoheshin nga Herodioni, ndërsa diskutimet ishin vetëm se çfarë ndodhi me zonjën e madhe të këngës greke. /tesheshi.com/
