Një rekord prej 34.8 milionë dollarësh mori rubini më i madh i shitur ndonjëherë në ankand, njoftoi Sotheby’s në New York.
Perla e bukur me peshë 55.22 karat është shitur të enjten dhe është guri më i vlefshëm i këtij lloji.
The largest ruby ever to come to auction sells for a record-breaking $34.8 million https://t.co/30qH9dA2bh pic.twitter.com/9ZqaiOco6M
— CNN (@CNN) June 11, 2023
Kompania kanadeze “Fura Gems” ishte ajo që nxori në dritë perlën e çmuar, e cila u gjet brenda një prej minierave të saj në Mozambik.
Siç raporton rrjeti amerikan CNN dhe gazeta britanike Daily Mail, pa kaluar një vit nga dita e zbulimit të tij, rubini i madh doli “nën çekiç” në një ankand në “qytetin që nuk fle kurrë”.
Përpara ankandit të tij, Sotheby’s e përshkroi xhevahirin si “jashtëzakonisht të rrallë” duke nënvizuar se është rubini “më i lartë në vlerë” që ka dalë ndonjëherë në treg.
Gjithashtu u vu në dukje se ka “qartësi të shkëlqyer” dhe një ngjyrë të kuqe të thellë të njohur si “gjaku i pëllumbit”, një nuancë tradicionalisht më e lidhur me rubinët shumë të kërkuar të Mianmarit.
Emri i tij është “Estrela de Fura” – që do të thotë “Ylli i Furës” në gjuhën zyrtare të Mozambikut, portugalisht.
Megjithëse shitjet rekord të gurëve të çmuar dominohen nga diamantet – veçanërisht ato me ngjyra – rubinët konsiderohen gjithashtu ndër gurët e çmuar më të rrallë në botë.
Siç thekson CNN, rekordi i mëparshëm i ankandit për një rubin u vendos nga “Sunrise Ruby”.
Ky është një gur i çmuar 25,59 karat i gjetur në Mianmar.
“Sunrise Ruby” u shit në Gjenevë të Zvicrës në vitin 2015 për 30.3 milionë dollarë.
Tani, Mozambiku konsiderohet si një nga vendet më produktive të minierave të rubinit në botë, komenton Daily Mail. /tesheshi.com/
