Në SHBA, kryeministri Edi Rama u nderua me një çmim për mikëpritjen e afganëve, i cili iu dha nga ish-Sekretarja e Shtetit Hillary Cliton.
Çimim i erdhi nga “Vital Voices Global Partnership” në SHBA.
Por Rama e trajtoi në mënyën e tij këtë vlerësim, duke pohuar se nuk është ndonjë hero për atë që ka bërë, gjë që shkaktoi, dhe jo vetëm kjo, të qeshura në ceremony.
“Përpara se t’ju them ato që duhet të them, dua t’ju tregoj se, sipas Vital Voice (Zërit Jetik) në familjen time, gruas sime, Linda, modestia nuk është pika ime e fortë. Kështu që, kur më dëgjoni që ju them se ndihem jo vetëm i përulur, por edhe i sekëlldisur për këtë nderim të jashtëzakonshëm që më bëhet”, tha Rama, duke shtuar:
“më duket një shenjë mjaft alarmuese për botën në të cilën jetojmë, kjo dëshirë e madhe për të vlerësuar një gjykim bazik të arsyeshëm”.
Ai vijoi duke thënë se “Përpara sesa të mbërrinte Sekretarja Clinton, ‘hija’ që e ndjek pas, hije fort e bukur, meqë ra fjala, Huma Abedin, më takoi dhe më tha ‘ti je hero’. sigurisht të vjen mirë të dëgjosh fjalë të tilla nga një grua aq e mrekullueshme, por unë nuk jam hero. Nuk është kurrëfarë heroizmi të mos u kthesh kurrizin njerëzve që rrezikojnë të vdesin”, tha ai.
Sipas të parit të qeverisë, hero është tjetërkush në këtë rast, sigurisht në Shqipëri.
“E meqë po flasim për heronj, dua ta vë diskutimin në kornizën e duhur, duke ju thënë se heronjtë ishin të tjerë. Heronj ishin shqiptarët që kishin gjithçka për të humbur gjatë Luftës së Dytë Botërore dhe shpëtuan hebrenjtë, duke e bërë Shqipërinë vendin e vetëm në Europë që kishte më shumë hebrenj në fund të Luftës së Dytë Botërore sesa në nisje të saj, dhe duke e radhitur Shqipërinë tek të drejtët mes kombeve, përmes shpëtimit të 3750 hebrenjve dhe mbylljes së kapitullit të Luftës pa asnjë hebre të dorëzuar te nazistët. Pati shumë heronj ajo kohë. Njëri prej tyre quhej Mustafa Rezniku. Ai shpëtoi 42 familje hebreje, por veprimtaria e tij e fshehjes së hebrenjve në fshatra të ndryshme përreth vendbanimit të tij, u spiunua tek nazistët dhe kur ata shkuan tek ai e i kërkuan të dorëzonte hebrenjtë, ai u dorëzoi dy djemtë e tij, të cilët përfunduan në Mathausen, por nuk i dorëzoi hebrenjtë,” tha Rama. /tesheshi.com/
