Ceremonia e dhënies së çmimeve Oscar të këtij viti do të mbahet mend më shumë për gabimin trashanik të drejtuesve, që kanë shpallur tjetër për tjetër fituesin e filmit më të mirë.
Pështjellimi është krijuar kur si filmi më i mirë është shpallur “La La Land”, për t’ia kaluar më pas çmimit një tjetër filmi, “Moonlight”.
Në çmimet e tjera Oscar, Emma Stone ka fituar atë të aktores më të mirë, për rolin në “La La Land”, ndërkohë që aktori më i mirë është shpallur Casey Affleck, i cili ka luajtur në filmin “Manchester by the Sea”.
Sa për joprotagonistët më të mirë, aktorja më e mirë është shpallur Viola Davis, e përzgjedhur për interpretimin në filmin “Fences”. Te aktorët meshkuj, çmimi ka shkuar për Mahershala Ali, i cili ka luajtur te “Moonlight”.
“The Salesman”, një prodhim iranian, u shpall filmi më i mirë i huaj.
Çmimi Oscar për dokumentarin më të mirë shkoi për “OJ: Made in America”.
Lista e çmimeve Oscar nuk mbaron me kaq, dhënë dhe për shumë gjini të tjera të kinematografisë. /tesheshi.com/
