Minneapolis Star Tribune është fituesi i Çmimit Pulitzer për lajmet novatore dhe ndjekjen e vrasjes së George Floyd.
Reuters dhe The Atlantic ndanë çmimin për të ashtuquajturën raportimi shpjegues, tha komiteti që dha çmimet.
Çmimet Pulitzer janë më prestigjiozet e dhëna gazetarisë amerikane që nga viti 1917.
Ato u krijuan me vullnetin e botuesit të gazetës Joseph Pulitzer.
“Gazetat u përballën me kompleksitetin e monitorimit të njëpasnjëshëm të pandemisë globale, ndërgjegjësimit racor dhe zgjedhjeve presidenciale të kontestuara ashpër,” tha Mindy Marquesa, nënkryetare e Komitetit të Çmimit Pulitzer.
Gazetarët e Reuters Andreë Chung, Lawrence Hurley, Andrea Januta, Jaimi Dowdell dhe Jackie Botts u vlerësuan për projektin multimedial Shielded, në të cilin zbulojnë se si policia mbron veten nga ndjekja penale në rastet e përdorimit të tepruar të forcës.
Gazetari Ed Yong nga The Atlantic mori një çmim për raportimin mbi pandeminë COVID-19.
Komiteti gjithashtu dha një “lavdërim të veçantë” për vajzën adoleshente Darnelli Frazier e cila regjistroi vrasjen e Floyd në telefonin e saj celular. Akti i saj, shpjegoi Komiteti, tregon “rolin kryesor të qytetarëve në kërkimin gazetaresk për të vërtetën dhe drejtësinë”. /tesheshi.com/
