Një biznesmen i pasur në Indi ka dhuruar 90 shtëpi për njerëzit e pastrehë, në vend që t’i harxhojë ato në dasmën e vajzës së tij.
Ajay Munot, një tregtar i pasur në qarkun Aurangabad të Indisë lindore, kishte planifikuar për të shpenzuar 93,000 funta në një martesë luksoze për vajzën e tij.
Por në vend të kësaj, Munot vendosi të shpenzojë këtë shumë parash për t’u siguruar strehë të varfërve të rajonit.
Biznesmeni ndërtoi 90 shtëpi në dy akra tokë (një sipërfaqe prej 8,100 metra katrorë) dhe po ashtu ai personalisht bëri përzgjedhjen e përfituesve të këtyre shtëpive, njofton Journal Free Press.
Ai thuhet të ketë vendosur tri kritere për përzgjedhjen e nevojtarëve: ata duhej të ishin të varfër, të jetonin në një lagje të varfër dhe të mos vuajnë nga ndonjë varësi.
Vajza e sapomartuar e Munot, Shreya, tha se ajo e ka mbështetur plotësisht vendimin e babait të saj, dhe pas dasmës së saj, ajo dhe burri i saj thuhet se ua kanë dorëzuar vetë çelësat njerëzve të pastrehë. Madje ajo e konsideroi vendimin e babait të saj “dhuratën më të madhe për martesën e saj”. /tesheshi.com/
