Kryeministri Edi Rama ka dhënë një intervistë për prestigjozen spanjolle El Mundo, ku ka folur për shumë çështje, që nga armëpushimi në Gaza, tek protestat ndaj Vuçiç në Serbi apo afganët e vendosur në Shqipëri.
Për këta të fundit, Rama tha se edhe mund të zgjedhin të jetojnë në Shqipëri.
“Nëse duan të qëndrojnë në vendin tonë, mund ta bëjnë këtë, nuk mund të kthehen në vendin e tyre dhe të ndalojnë dhunën. Këto nuk janë shifra të mëdha për ne, janë vetëm disa qindra njerëz”, u shpreh Rama.
Rama u ndal te zgjedhjet e së dielës në Kosovë duke u shprehur se nuk ka asnjë preferencë për fituesin, pasi me të gjithë ka një marrëdhënie të mirë.
“Kosova është një vend demokratik, i gjallë dhe i larmishëm. Dhe, si të gjitha vendet e Ballkanit, lufton me shumë pasion dhe shumë zhurmë, por kjo është në rregull. E uroj për mirë, por nuk kam asnjë preferencë për rezultatet e zgjedhjeve. Unë jam një mik dhe i respektoj të gjithë. Kosovarëve u uroj gjithë të mirat për çfarëdo vendimi që do të marrin.”
Por sa i përket protestave në Serbi, ai theksoi se pushteti nuk mund të merret me dhunë dhe se sipas tij opozita serbe nuk duket më pro evropiane se sa Vuçiç. Madje madje, as opozita serbe nuk ka një qëndrim ndryshe për Kosovën.
“Problemi që kam me opozitën serbe është, pa hyrë në dinamikën e politikës së brendshme, se ajo nuk duket më pro evropiane apo pro perëndimore se sa presidenti. Sa i përket Kosovës, ata nuk duket të jenë më përparimtarë. Për pjesën tjetër, nuk është raasti im të komentoj, sepse është çështje e brendshme e Serbisë. Por, unë besoj dhe shpresoj se në fund dialogu do të duhet të mbizotërojë. Sepse marrja me forcë e një qeverie nuk duhet të ndodhë kurrë në tokën evropiane.”
Më interesant ka qenë qëndrimi i tij mbi planin e çmendur të Trumpit mbi Gazën.
Thjesht është shfaqur pa qëndrim, kë zgjedhur të heshtë.
“Nuk kam asnjë koment për këtë. Mendoj se plani duhet të qartësohet, të kuptohet dhe të harmonizohet me të gjithë aktorët e tjerë. Është ende herët.” /tesheshi.com/
