Albin Kurti, i ndodhur në Tiranë me synimin e qartë të karrikimit të një revolte të mundshme studentore, i pyetur mbi atë se çfarë mendonte mbi ish-kolegen e tij në VV, Besa Shahini, sot ministre Arsimi në Shqipëri, u përgjigj shkurt:
“Nuk kam koment për atë. Sjellja e saj flet më shumë se çdo gjë”, tha kreu i Vetëvendosjes, duke zgjedhur të jetë i qartë vetëm në statusin e tij me praninë në Tiranë, duke zgjedhur të futet në zhvillimet e Tiranës, edhe pa theks mbarëkombëtar, ku do t’i përligjej gjithsesi ky pozicion.
“Unë tërë jetën ndërhyj dhe prandaj jam në politikë. Politika është ndërhyrje subjektive në bazë të asaj që beson të jetë e drejtë dhe e mendon të jetë e vërtetë. Protesta studentore në Tiranë është ngjarja më e bukur shoqërore. Këta duhen admiruar. Vështirësitë nëpër të cilat po kalojnë do t’i kalisin ata në kapërcimin e pengesave në të ardhmen”, tha Albin Kurti. /tesheshi.com/
